விரைவில் மத்திய அமைச்சரவை மாற்றம்:

http://www.newsonweb.com/newsimages/June2011/6ed20245-9d3c-489d-9ca4-7e0d6a5c76e61.jpg

புதுதில்லி, ஜுன் 9 (டிஎன்எஸ்) விரைவில் அமைச்சரவை மாற்றம் நடைபெறும் என்று தில்லி வட்டார தகவல் தெரிவித்ததாக செய்திகள் கூறுகின்றன.

மத்திய அமைச்சரவையில் ரயில்வே உட்பட சில முக்கிய இலாகாக்கள் காலியாக உள்ளன. சில அமைச்சர்களின் செயல்பாடுகள் மீது பிரதமர் மன்மோகன் சிங்கும், காங்கிரஸ் தலைவர் சோனியாவும் கடும் அதிருப்தியில் உள்ளனர்.

அமைச்சரவையில் உள்ள குறைபாடுகளை நிவர்த்தி செய்து புதிய அமைச்சர்களை நியமிப்பதற்காக, அமைச்சரவையை மாற்ற பிரதமர் மன்மோகன்சிங் முடிவு செய்துள்ளார். இது தொடர்பாக அவர் சோனியாவுடன் ஆலோசனை நடத்தி வருகிறார். அமைச்சரவை மாற்றம் விரைவில் நடைபெறும் என்று தில்லி வட்டார தகவல் தெரிவித்தது.

ரயில்வே அமைச்சர் பொறுப்பு திருணமுல் காங்கிரஸ் கட் சிக்கு கிடைக்கும் என்பது மட்டும் உறுதி ஆகியுள்ளது. சிலரிடம் இருந்து அமைச்சர் பதவியை பறிக்க மன் மோகன்சிங் தீர்மானித்துள்ளார். பலரது இலாகா மாறும் என்றும், பிரதிநிதித்துவம் இல்லாத மாநிலங்களுக்கு உரிய இடம் கிடைக்கும் என்று தெரிய வந்துள்ளது.

எனவே மத்திய அமைச்சர்கள் வெளிநாடு செல்வதை தவிர்க்க வேண்டும் என்று பிரதமர் அலுவலகம் அறிவித்துள்ளது. (டிஎன்எஸ்)

Jun 09, 2011 CHENNAIONLINE.COM

அமைச்சரவையில் இடம் பெற்றுள்ளவர்கள் மாறினாலும், அவர்கள் பொறுப்பு வகிக்கும் துறைகள் மாறினாலும், அமைச்சரவையின் மீதுள்ள களங்கமோ, அவநம்பிக்கையோ மாறப் போவதில்லை. இன்னும் சொல்லப் போனால், நாளாக, நாளாக, மேலும் மேலும் ஊழல்கள் புற்றீசல் போல வெளி வந்துகொண்டே இருக்கத்தான் போகின்றன. மன்மோகன் சிங்கும், சோனியாவும், அப்படியே தான் இருக்கப் போகிறார்கள்.